विषय परिचय
प्रस्तुत अध्ययनको विषय कवि विमल निभा (२००९)को कविता सङ्ग्रह ‘आगोनेर उभिएको मानिस’
२०४० (तेस्रो संस्करण, २०७१ फाइन प्रिन्ट)ले दिशानिर्देश गरेको सामाजिक सन्दर्भ र प्रतिरोधी चेतनाको
सेरोफेरोमा रहेर व्याख्या विश्लेषण गरिएको छ । कवितासङ्ग्रहमा प्रस्तुत विषयवस्तु र विषयवस्तुले लिएको
विषयसन्दर्भलाई उठाइएको छ । व्यङ्ग्यात्मक शैलीमा लेखिएको यस सङ्ग्रहभित्रका कविताहरूले प्राप्त
गरेको अग्रभूमि र श्रमिक वर्गप्रति व्यक्त गरेको प्रतिबद्धता साथै निर्माण गरेको प्रतिरोधी चेतनाका विषयमा
व्यावहारिक ढङ्गले व्याख्या गरिएको छ ।
‘आगोनेर उभिएको मानिस’ पञ्चायती व्यवस्थाको विरुद्धमा व्यक्त असहमतिहरूको विषयमा आधारित
रहेर तयार गरिएको वैचारिक दस्तावेज हो । वर्गीय समाजमा सामाजिक चेतना पनि वर्गीय चरित्रकै हुन्छ ।
वर्गीय चेतना मूलतः विचारधारात्मक हुन्छ । निश्चितवर्गको राजनीतिक न्यायिक, नैतिक, कलात्मक तथा